Ստամբուլում հայ քաղբանտարկյալ, գրող, հրապարակախոս Սևան Նշանյանին ՀՀ սփյուռքի նախարարության կողմից «Վիլյամ Սարոյան» մեդալ է հանձնվել՝ նրա փաստաբանի միջոցով: ՀՀ ԱԺ պատգամավոր, «Վերադարձ» հմնադրամի նախագահ Արագած Ախոյանը, ով անձամբ է մեդալը փոխանցել Սևան Նշանյանի փաստաբանին, լրագրողներին ասաց, որ հայկական կողմը նման քայլի է դիմել` թուրքական իշխանություններին ցույց տալու, որ հայ մտավորականը մենակ չէ:
«Այնտեղ միջոցառում էինք կազմակերպել` հաջակցություն Նշանյանի, որի ընթացքում էլ տեսակապով մեզ իր գոհունակությունը հայտնեց Սեւան Նշանյանի՝ Կանադայում բնակվող մայրը»,- ասաց Ախոյանը: Խոսելով Սեւան Նշանյանի հնարավոր ազատ արձակման մասին՝ ԱԺ պատգամավորն ասաց, որ նրա վիճակն այնքան էլ հուսադրող չէ:
«Մենք պետք է ամեն ինչ անենք վերջինիս խափանման միջոցը փոխելու համար: Սեւան Նշանյանին ձերբակալել են ոչ թե ապօրինի գործողությունների, այլ հայ լինելու համար»,- հավելեց բանախոսը:
Հիշեցնենք, որ թուրքական իշխանությունները Սեւան Նշանյանին ցանկանում են դատապարտել 17 տարի ժամկետով:
Hayernaysor.am
Leave a Reply