Ստամբուլի հայկական դպրոցների պատերին ռասիստական գրությունների հարցը հասել է Թուրքիայի խորհրդարան

Ստամբուլի հայկական դպրոցների պատերին ռասիստական գրությունների հարցը հասել է Թուրքիայի խորհրդարան, գրում է Ստամբուլի հայ համայնքի թերթերից «Հայ Թերթ»-ը:

Թուրքիայում ուսումնական տարվա սկզբից հայկական Սուրբ Խաչ Տպրեվանք և Քալֆայան վարժարանների պատերին գրված ռասիստական գրությունները խորհրդարանի օրակարգ է բերել Ժողովրդահանրապետական կուսակցության անդամ, պատգամավոր Սեզգին Թանրըքուլուն, ով խնդրել է Թուրքիայի վարչապետ Բինալի Յըլդըրըմին առիթի դեպքում պատասխանել, թե ի՞նչ պատիժ է նախատեսվում նման քայլեր իրականացնողների դեմ:

Հիշեցնենք, որ սեպտեմբերի 19-ին Ստամբուլի Սկյուտար թաղամասի Քալֆայան վարժարանի մոտ թուրք ազգայնականները թողել են «Թող ապրի թուրք ռասան» գրությունը: Ավելի վաղ Սուրբ Խաչ Դպրեվանքի պատերի վրա նկատվել էր «Տանջանք հային» գրությունը:

http://www.tert.am/am/news/2016/09/23/armeniansinturkey/2142713