Թուրքիայում սկսել են քաղաքապետարանների շենքերից հեռացնել հայերենով գրությունները

Թուրքիայի քրդաբնակ քաղաքների քաղաքապետարաններում պետության նշանակած հարկադիր կատարողների առաջին գործերը եղել են հայերենով գրությունները հանելը։

Թուրքական CNNturk–ի փոխանցմամբ՝ Մարդինի Դերիկի քաղաքապետարանում պետության կողմից նշանակված հարկադիր կատարողները, որոնց ֆունկցիան է քաղաքապետի փոխարեն կառավարել քաղաքը, քաղաքապետարանի մուտքի մոտից հեռացրել են հայերենով գրված Դերիկի քաղաքապետարան գրությունը։

Նշենք, որ թուրքական իշխանությունները քուրդ քաղաքապետերին մեղադրում են քուրդ զինյալներին օգնելու մեջ եւ հեռացրել են պարտականություններից։ Քուրդ քաղաքապետերի փոխարեն պետությունը հարկադիր կատարողների է նշանակել քաղաքների ժամանակավոր կառավարիչներ։

http://news.am/arm/news/346322.html