Թուրքիայի նախագահ Ռեջեփ Թայիփ Էրդողանը հայտարարել է, որ իրենց չի հետաքրքրում Արևմուտքի վերաբերմունքը մահապատժի օրենքի ընդունման վերաբերյալ: Նա նշել է, որ իրենք առաջնորդվելու են ժողովրդի պահանջով:
Այս մասին գրում է թուրքական Anadolu գործակալությունը:
«Ժողովուրդն ուզում է մահապատժի օրենք: Հետևաբար խորհրդարանը դա կբերի օրակարգ, կքննարկի, կգնահատի: Այն պահին, երբ խորհրդարանը կկայացնի մահապատժի հետ կապված որոշումը, ոչ ոք չի կարողանա դրան դեմ դուրս գալ: Եվրոպան մեզ ասում է՝ «Բայց դուք կողմնակից եք մահապատժին»: Ես էլ նրանց ասում եմ՝ «Դուք մեր ապրածները չեք ապրել»: Կներեք, բայց այդ որոշումը կայացնողը Եվրոպան չէ, թուրք ժողովուրդն է», – ասել է Էրդողանը:
Հիշեցնենք, որ ավելի վաղ Էրդողանը հայտարարել էր, որ եթե Թուրքիայի խորհրդարանը հաստատի մահապատժի մասին օրենքը, ապա նա որպես նախագահ անպայման կստորագրի այն:
Leave a Reply