Հայոց ցեղասպանությանն առնչվող փաստաթղթերը մինչ օրս պահանջված են. Ամատունի Վիրաբյան

Ամենակարեւոր եւ թվայնացման ենթակա փաստաթղթերը Հայոց ցեղասպանությանն առնչվող փաստաթղթերն են: Այս մասին մամուլի ասուլիսին հայտարարել է Հայաստանի ազգային արխիվի տնօրեն Ամատունի Վիրաբյանը:

Նա նշել է, որ այդ փաստաթղթերը մինչ օրս պահանջված են: «Մենք սկսում ենք այն փաստաթղթերի թվայնացումը, որոնց պահանջարկն ավելի մեծ է: Այսօրվա դրությամբ դրանք այն փաստաթղթերն են, որոնք կապված են մարդկանց հետ, այսինքն՝ նրանց ծննդյան, ամուսնության, մահվան ժամանակագրության հետ՝ ընտանիքի տոհմաբանությունը կազմելու նպատակով»,- ասել է Ամատունի Վիրաբյանը:

Վիրաբյանի խոսքով՝ ամենակարեւոր փաստաթղթերը Հայոց ցեղասպանության հետ կապված փաստաթղթերն են, որոնք մինչ օրս պահանջված են: Ամատունի Վիրաբյանը հայտնել է, որ վերջերս Գերմանիայից նկարահանող խումբ էր եկել, որը Գերմանիայի Բունդեսթագում Հայոց ցեղասպանության ճանաչման մասին ֆիլմ նկարելու մտադրություն ունի:

http://news.am/arm/news/344961.html