Պուտինը անվստահություն է հայտնել Սիրիայում Թուրքիայի նպատակների կապակցությամբ

ՌԴ իշխանությունները չեն կարող վստահ լինել Սիրիայում որեւի մեկի գործողությունների նպատակներում: Այս մասին հայտնել է ՌԴ նախագահ Վլադիմիր Պուտինը G20 –ի գագաթնաժողովի արդյունքներն ամփոփող մամուլի ասուլիսի ժամանակ, փոխանցում է «ՌԻԱ Նովոստին»:

«Մենք չենք կարող հարյուր տոկոսով ու վերջնական վստահ լինել որեւէ մեկի նպատակներում: Բայց մենք երկխոսություն ունենք բոլոր հարցերի, այդ թվում Սիրիայի խնդրի շուրջ՝ թե մեր թուրք, թե ամերիկացի գործընկերների հետ: Մենք չենք աջակցում ու չենք կարող աջակցել որեւէ բանի, որը հակասում է միջազգային իրավունքին: Սա առաջինը»,- ասել է Պուտինը:

ՌԴ նախագահը նաեւ հայտնել է, որ սիրիական հարցի շուրջ «դիրքորոշումների որոշակի մերձեցում» կա:

«Երկրորդ: Մենք այդուհանդերձ ունենք դիրքորոշումների որոշակի մերձեցում ու ըմբռնում, թե ինչ կարող էինք անել Սիրիայում լարվածությունը թոթափելու ու փոխընդունելի լուծումներ որոնելու համար: Ինձ իրավասու չեմ համարում հիմա վերջնական ձեւով խոսել այդ մասին, քանի որ պետդեպարտամենտն ու մեր արտգործնախարարությունը լրամշակում են մեր նախնական պայմանավորվածությունները, բայց ինձ թվում է, որ մենք ճիշտ ուղու վրա ենք ու կարող էինք համենայն դեպս որոշ ժամանակահատվածի համար պայմանավորվել, որ միասին, ուզում եմ շեշտել դա, եռանդուն փորձեր ձեռնարկենք Սիրիայում իրավիճակը կարգավորելու ուղղությամբ: Բնականաբար մենք պետք է խորհրդակցենք նաեւ սիրիական կառավարության հետ,պետք է տեղեկացնենք նաեւ մեր մյուս գործընկերներին՝ այդ թվում Իրանին»,- հավելել է Պուտինը:

http://news.am/arm/news/344851.html