Թուրքիայում գյուլենականները միայն Դերսիմում չեն կարողացել հաստատվել

Թուրքիայի Մանիսայի նահանգի գլխավոր դատախազ Աքիֆ Ջելալեթինը հայտնել է, թե Թուրքիայի տարածքում գյուլենականները չեն կարողացել հաստատվել միայն Թունջելի (Դերսիմ) նահանգում։

Թուրքական “Bir Gün”–ի փոխանցմամբ՝ Մանիսայի գլխավոր դատախազը նշել է, թե Մանիսայում գյուլենականները արդեն 1976–ին սկսել են հաստատվել ու տարածվել պետական կառույցներում։

Նա շեշտել է, թե միակ նահանգը, որտեղ գյուլենականները չեն կարողացել հաստատվել, Թունջելին է։

Նշենք, որ Ֆեթուլլահ Գյուլենի հիմնադրած շարժման հետեւորդներին Թուրքիայում որպես ահաբեկիչ են հայտարարել։  Իշխանությունները հուլիսի 15–ի հեղաշրջման փորձի հետեւում տեսնում է գյուլենականներին եւ ներկայում Թուրքիայի ամբողջ տարածքում գյուլենական պաշտոնյաների ու գործարարների որս է սկսվել։

http://news.am/arm/news/343782.html