Գերմանական Der Spiegel թերթը սիրիական Ջերաբլուս շրջանում Թուրքիայի գործողությունները որակել է որպես «երկարատև օկուպացիայի առաջին քայլ»։
Թերթի թղթակիցը վերլուծության մեջ նշել է, որ «Իսլամական պետություն» խմբավորումն ակնհայտորեն միայն պատրվակ է Թուրքիայի համար, և որ թուրքերի իրական թիրախը քրդերն են:
«Երեք տարի շարունակ ԻՊ-ի գործողությունների վրա աչք փակող Անկարան հանկարծ միանգամից գործի է անցնում: Սրա միակ պատճառը (նախագահ Ռեջեփ Թայիփ) Էրդողանի քրդական ֆոբիան է»,- ասել է թղթակիցը:
Ըստ նրա՝ այս դեպքերից հետո շրջանը երկար ժամանակ չի ազատվի թուրքական օկուպացիայից:
Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակներում:
http://www.tert.am/am/news/2016/08/26/syria/2115733
Leave a Reply