Թուրքիայում Իսրայելի դեսպանի պաշտոնակատար Ամիրա Օրոնը աջակցություն է հայտնել օգոստոսի 24-ին թուրքական ստորաբաժանումների կողմից Սիրիայի Ջերաբլուս քաղաքում սկսված «Եփրատի վահան» օպերացիային:
Միաջանկյալ նշենք, որ Ջերաբլուսը գտնվում էր «Իսլամական պետություն» (ԻՊ) ահաբեկչական կազմակերպության վերահսկողության տակ:
Ըստ թուրքական «Türkiye Gazetesi» թերթի կայքի` Օրոնը ընգծելով, որ ԻՊ-ն կարող է վտանգ ներկայացնել նաև Իսրայելի համար, հավելել է, որ չի կարելի թույլ տալ, որպեսզի զինյալները ամրապնդվեն Թուրքիայի սահմանին մոտ:
«Թուրքիայի հետ միակարծիք ենք և աջակցում ենք»,-ասել է նա:
Նրա խոսքով` պաշտոնական Անկարան ստեղծված իրավիճակում իրականացնում է բոլոր անհրաժեշտ գործողությունները:
Հիշեցնելով ԻՊ-ի կողմից Թուրքիայում իրականացված հարձակումները` նա շեշտել է.
«Թուրքիայի կառավարությունը ԻՊ սպառնալիքը կանխելու համար, որոշումներ է կայացնում: Հուսով ենք, որ օպերացիան Թուրքիայի համար ցավոտ չի լինի»:
Ermenihaber.am
Leave a Reply