Հեղինակավոր Reuters գործակալությանը տված հարցազրույցում Սիրիայի տարածքում ծառայություն իրականացնող թուրքական բանակի մի քանի լիազորված անձինք հայտարարել են, որ իրենք արդեն 20 հրետանային հարված են հասցրել Սիրիայի Մանբիջի շրջանում գտնվող քրդական ուժերին:
Նրանցից մեկը մասնավորապես նշել է. «Մեզ համար որևէ տարբերություն չկա «Իսլամական պետություն» խմբավորման և քրդական YPG-ի (Ազգային ինքնապաշտպանության ջոկատներ-Խմբ.) միջև: Երկուսին էլ դիտարկում ենք որպես ահաբեկչական կառույց և պայքարելու ենք դրանց դեմ»։
Իր հերթին, Թուրքիայի վարչապետ Բինալի Յըլդըրըմը, մեկնաբանելով Սիրիայի տարածքում Թուրքիայի վերջին գործողությունները, ասել է. «Նկատում ենք, որ որոշակի նոր շարժ կա: Թուրքիայի հարավում փորձեր են արվում քրդական ինքնավար միավորումներ ստեղծելու: Թուրքիան սա երբեք չի ընդունի»։
Leave a Reply