Թուրքիայի Գազիանթեփ քաղաքում հարսանիքի ժամանակ կատարված ահաբեկչության հետեւանքով զոհվածների թիվը հասել է 51-ի, հայտնում է Reuters–ը՝ վկայակոչելով տեղի իշխանություններին:
Ահաբեկչությունը կատարվել է օգոստոսի 20-ին: Մահապարտը գործի էր դրել պայթուցիկ սարքը, երբ մարդկանց մի մեծ խումբ փողոց էր դուրս եկել ՝ տոնակատարությունը այնտեղ շարունակելու: Տասնյակ մարդ վիրավորում էր ստացել: Թուրքիայի խորհրդարանի պատգամավոր Մահմուտ Թողրուլը ՝ Ժողովուրդների դեմոկրատական կուսակցությունից ճշգրտել էր, որ հանդիսության մասնակիցները քրդեր էին:
Հանրապետության նախագահ Ռեջեփ Թայիփ Էրդողանը հնարավոր է համարել, որ ահաբեկչության կազմակերպմանը մասնակցություն է ունեցել «Իսլամական պետություն» ահաբեկչական խմբավորումը:
Leave a Reply