Թուրքիայում ընդդիմադիր թերթի սյունակագիր է ձերբակալվել

Թուրքիայում ձերբակալվել է ընդդիմադիր «Özgür Gündem» թերթի խմբագրական խորհրդի անդամ, սյունակագիր Ասլը Էրդողանը: Ըստ թուրքական «Սոնդաքիքա» լրատվական կայքի՝ Էրդողանը մեղադրվում է Թուրքիայում ահաբեկչական համարվող Քուրդիստանի բանվորական կուսակցության (ՔԲԿ-PKK) օգտին քարոզչություն անելու և զինված խմբավորմանը անդամակցության մեջ: Ըստ աղբյուրի՝ Էրդողանի հետ միասին ձերբակալվել են թերթի այլ աշխատակիցներ ևս:

Ավելի վաղ Ստամբուլի 8-րդ դատարանը որոշում է կայացրել ժամանակավորապես փակել ընդդիմադիր «Özgür Gündem» պարբերականը:  Պարբերականը մեղադրվում է Քուրդիստանի բանվորական կուսակցության (ՔԲԿ-PKK) օգտին «քարոզչություն  իրականացնելու» և «ահաբեկչական կազմակերպության  լրատվամիջոց» հանդիսանալու  մեջ:

«Özgür Gündem» երկլեզվանի պարբերականը (թուրքերեն և քրդերեն), որը հայտնի է իր անկախ գործունեությամբ, հիմնադրվել էր 1992թ.-ին: 1994թ. ապրիլի 14-ին թուրքական դատարանի որոշմամբ փակվել էր` կրկին մեղադրվելով հօգուտ PKK-ի  քարոզչություն անելու մեջ: Դրանից հետո «Özgür Gündem»-ը միայն 17 տարի անց` 2011թ. վերսկսել էր իր գործունությունը:

http://www.ermenihaber.am/am/news/2016/08/20/ozgur-gundem/88509