Թուրքիայի խորհրդարանը վավերացրել է Իսրայելի հետ հարաբերությունների կարգավորման համաձայնագիրը

Թուրքիայի խորհրդարանը վավերացրել է Իսրայելի հետ հարաբերությունների կարգավորման մասին համաձայնագիրը, հայտնում է Associated Press-ը:

Դրա համաձայն՝ Իսրայելը 25 օրվա ընթացքում Թուրքիային միանվագ 20 մլն դոլար փոխհատուցում է վճարելու:

Փոխհատուցումը փոխանցելու են 2010-ին «Ազատության նավատորմ»-ի միջադեպից տուժածների ընտանիքներին: Ընդ որում, նշվում է, որ Իսրայելի որոշ քաղաքացիներ միջադեպի պատճառով քրեական կամ նյութական պատասխանատվության չեն ենթարկվի: Իսրայելի կառավարությունն արդեն վավերացրել է համաձայնագիրը:

Նշենք, որ Թուրքիայի եւ Իսրայելի միջեւ հարաբերությունները վատթարացել էին 2010-ի մայիսին, երբ իսրայելցի զինվորակաները գրոհով վերցրել էին թուրքական նավը, որը հումանիտար օգնություն էր տանում Գազայի հատված: Գրոհից զոհվել էր Թուրքիայի 9 քաղաքացի:

http://news.am/arm/news/342598.html