Թուրքիայի մեջլիսը հաստատել է թուրք-իսրայելական կարգավորման պայմանագիրը

Թուրքիայի ազգային մեծ ժողովին (ԹԱՄԺ-TBMM) ներկայացված թուրք–իսրայելական պայմանագիրը հաստատվել է ԹԱՄԺ–ի արտաքին գործերի հանձնաժողովի կողմից: Թուրքական «Habertürk» լրատվակայքի տեղեկացմամբ՝ երկու երկրների հարաբերությունների կարգավորմանն ուղղված պայմանագրի վավերացման մասին օրինագիծը քննարկման և քվեարկության է դրվել մամուլի համար դռնփակ պայմաններում:

Պայմանագրի համաձայն՝  Իսրայելը պետք է 25 օրվա ընթացքում միանվագ  20 մլն. դոլար փոխհատուցում վճարի 2010թ. «Մավի Մարմարայի» միջադեպում տուժած Թուրքիայի քաղաքացիների ընտանիքներին:

Հիշեցնենք, որ Իսրայելցի զինվորները 2010 թ-ի մայիսի 31-ին իսրայելցի զինվորները  հարձակվել էին թուրքական «Մավի Մարմարա» նավի վրա, որը միջազգային մարդասիրական նավաշարասյան կազմում օգնություն էր փոխադրում Պաղեստինի Գազայի հատված:  Հարձակման հետևանքով զոհվել էր Թուրքիայի 9 քաղաքացի:

Ermenihaber.am