Էլազըղի ոստիկանատան դիմաց հզոր պայթյուն է որոտացել

Այսօր առավոտյան ժամերին հզոր պայթյուն է որոտացել Թուրքիայի Էլազըղ (Խարբերդ) քաղաքի ոստիկանատան շենքի դիմաց:

Ըստ թուրքական «Haberler.com» լրատվական կայքի` Քուրդիստանի բանվորական կուսակցության (PKK-ՔԲԿ) զինյալները նախօրոք պայթուցիկով բեռնված մեքենան կայանել են ոստիկանատան դիմաց, ապա` հեռակառավարմամբ պայթեցրել այն:

Պայթյունի հետևանքով նախնական տեղեկություններով 3 մարդ է մահացել, վիրավորների թիվն անցնում է 100-ը:

Նշվում է, որ հզոր պայթյունից ավերվել է ոստիկանության 4 հարկանի շենքը, վնասվել և հրդեհվել են շրջակայքում կայանած բազմաթիվ մեքենաներ:

Ermenihaber.am