Թուրքիայում փակվել է ընդդիմադիր թերթերից մեկը

Ստամբուլի 8-րդ դատարանը որոշում է կայացրել  ժամանակավորապես փակել ընդդիմադիր “Özgür Gündem” պարբերականը:  Ըստ թուրքական «Sondakika» լրատվամիջոցի` պարբերականը մեղադրվում է  հօգուտ Թուրքիայում ահաբեկչական համարվող Քուրդիստանի բանվորական կուսակցության (ՔԲԿ-PKK) «քարոզչություն  իրականացնելու» և «ահաբեկչական կազմակերպության  լրատվամիջոց» հանդիսանալու  մեջ:

Տեղեկացնենք, որ “Özgür Gündem” երկլեզվանի պարբերականը (թուրքերեն և քրդերեն), որը հայտնի է իր անկախ գործունեությամբ, հիմնադրվել է 1992թ.-ին: 1994թ. ապրիլի 14-ին թուրքական դատարանի որոշմամբ փակվել էր` մեղադրվելով կրկին հօգուտ PKK-ի  քարոզչություն անելու մեջ: Դրանից հետո “Özgür Gündem” պարբերականը միայն 17 տարի անց` 2011թ., վերսկսել էր իր գործունությունը:

Ermenihaber.am