Պայթյուն է հնչել թուրքական Դիարբեքիր քաղաքում, կան զոհեր և տուժածներ

Առնվազն 7 մարդ է մահացել Թուրքիայի Դիարբեքիր քաղաքի ոստիկանական բաժանմունքի մոտ ավտոմեքենայի պայթյունի հետևանքով: Պայթյունը տեղի է ունեցել Դիարբեքիրից հարավ-արևելք`դեպի Բաթման քաղաքի ճանապարհին, փոխանցում է BBC-ն:

Մահացածների թվում են 5 ոստիկան և մեկ երեխա, հայտնել են քաղաքային վարչությունում: Մեկ այլ աղբյուր հայտնում է 45 վիրավորի մասին:

Թուրքիայի պետական ԶԼՄ-ները պայթյունի համար պատասխանատվությունը դրել են ընդդիմադիր Քուրդիստանի աշխատավորական կուսակցության վրա: Կուսակցությունը նախկինում իր վրա է վերցրել մի շարք պայթյունների համար պատասխանատվությունը, որոնք տեղի են ունեցել այս քաղաքում, այլ դեպքերում նրան մեղադրել են իշխանությունների ներկայացուցիչները:

Որպես կանոն, հարձակումների թիրախն են դառնում ոստիկանական բաժանմունքները:

 http://www.tert.am/am/news/2016/08/15/turkey/2105912