Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հանդիպումից հետո վերադարձի ճանապարհին լրագրողների հարցերին պատասխանելիս անդրադարձել է նաև ԼՂՀ հիմնախնդրին:
Թուրքական «Habertürk» լրատվական կայքը հայտնում է, որ Էրդողանը անդրադառնալով Լեռնային Ղարաբաղի խնդրին՝ նշել է, թե այդ հարցում որոշակի զարգացումներ կան: Էրդողանը, այդ համատեքստում կարևորելով Ռուսաստան-Թուրքիա-Ադրբեջան եռակողմ համագործակցության ֆորմատի ստեղծումը, հայտնել է, որ առաջարկել է նման ֆորմատ ստեղծել, ինչին Ադրբեջանն ու Ռուսաստանը դրական են արձագանքել: Ըստ Թուրքիայի նախագահի՝ ֆորմատի նպատակն է մոտիկից հետևել տարածշրջանում քաղաքական զարգացումներին՝ հատկապես Լեռնային Ղարաբաղի խնդրին: Նա դժգոհություն է հայտնել ԵԱՀԿ Մինսկի Խմբի աշխատանքի արդյունքից՝ նշելով, որ 23-24 տարի է անցել, սակայն ղարաբաղյան խնդիրը չեն լուծել կամ էլ չեն ցանկացել լուծել: Նրա կարծիքով` Մինսկի խմբի բանակցությունների արդյունքները կարող էին այլ լինել, եթե գործընթացում ներգրավված լիներ նաև Թուրքիան:
«Սակայն այժմ որոշ զարգացումներ կան: Պարոն Պուտինը այդ հարցում հետևողականորեն առաջ է շարժվում: Իմ ցանկությունն է, որ 5 շրջանները ազատվեն, ինչից հետո կարծում եմ խնդիրը լրջորեն կհանդարվի»:
Ermenihaber.am
Leave a Reply