Թուրքիայի նախագահ Ռեջեփ Թայիփ Էրդողանի հրավերով Ստամբուլի Յենիքափը հրապարակում օգոստոսի 7-ին խոշոր ցույց է տեղի ունեցել։
Թուրքական Milliyet-ի փոխանցմամբ՝ Թուրքիայի նախագահը հանրահավաքին մասնակցելու համար հրավիրել էր նաեւ ընդդիմադիր Ժողովրդահանրապետական եւ Ազգայնական շարժում կուսակցության առաջնորդներին։
Ընդդեմ հեղաշրջման հանրահավաքի ընթացքում Էրդողանը հայտարարել է, որ եթե մեջլիսն ընդունի մահապատժի մասին օրենքը, ապա ինքն անպայման կվավերացնի այն։
Թուրքական պետական Anadolu գործակալությունը հայտնել է, թե հանրահավաքին մասնակցել է 5 մլն մարդ։
Հատկանշական է, որ հանրահավաքին Էրդողանը չի հրավիրել քրդական Ժողովուրդների դեմոկրատական կուսակցության առաջնորդ Սելահաթին Դեմիրթաշին։
Leave a Reply