Ստամբուլի հանրապետական դատախազությունը միջնորդություն է ներկայացրել դատարան` իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենին ձերբակալելու որոշում կայացնելու համար:
Թուրքական իշխանամետ «Sabah» թերթի կայքի տեղեկացմամբ՝ որոշումը հիմնավորվում է փաստարկով, որ հուլիսի 15-ին տեղի ունեցած պետական հեղաշրջման փորձի հրահանգը տրվել է հենց Գյուլենի կողմից:
Դատախազության ներկայացրած միջնորդության մեջ նշվում է, որ հեղաշրջման փորձը Գյուլենի կողմից կազմակերպված լինելու մասին փաստեր են գտնվել:
Դատարանը բավարարել է պահանջը՝ նշելով, թե որևէ կասկած չկա, որ ռազմական ճանապարհով պետական հեղաշրջման փորձը կատարվել է Գյուլենի կարգադրությամբ:
Ermenihaber.am
Leave a Reply