Իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենը արաբական «El Ğad» հեռուստաընկերության թղթակցի հետ խոսել է Թուրքիայի ներքաղաքական իրադրության մասին: Ըստ թուրքական «Timeturk» լրատվական ծառայության՝ քննադատելով Թուրքիայի նախագահ Էրդողանին` Գյուլենն ասել է, որ այդ երկրում կոպտորեն խախտվում են մարդու իրավունքները:
«Արևմուտքը թող միջամտի Թուրքիայի գործերին և տապալի ԱԶԿ-ի իշխանությունը: Արևմուտքն անհապաղ պիտի միջամտի իրավիճակին և պետք է տապալի իշխանությունը Թուրքիայում»,- նշել է գյուլենական համայնքի առաջնորդը:
Ըստ նրա՝ Թուրքիայում ավելի ու ավելի է մեծանում քաղաքացիական պատերազմ սկսելու վտանգը: Համոզված է, որ քանի դեռ Էրդողանը գահի վրա է, Մերձավոր Արևելքում անհնար է խաղաղություն հաստատել:
Հիշեցնենք, որ հուլիսի 15-ին Թուրքիայում ռազմական հեղաշրջման փորձ էր տեղի ունեցել: Թուրքիայի իշխանությունները՝ նախագահ Ռեջեփ Թայիփ Էրդողանի գլխավորությամբ հեղաշրջման փորձ կազմակերպելու մեջ մեղադրեցին գյուլենական համայնքին և նրա ղեկավար Ֆեթուլլահ Գյուլենին: Վերջինս հերքել է իր մասնակցությունը հեղաշրջման փորձին՝ այն անվանելով հոլիվուդյան ֆիլմի սցենարով բեմականացում:
Ermenihaber.am
Leave a Reply