Թուրք իրավապահները Ստամբուլի Աթաթուրքի անվան միջազգային օդանավակայանից արտաքսել են ֆրանսահայ Ռիչարդ Դեմիրջիին: «Ակօս» շաբաթաթերթի տեղեկացմամբ՝ ֆրանսահայը արտաքսվել է թուրքերեն իմանալու պատճառով:
Դեպքի մանրամասները թերթին ներկայացրել է Ռիչարդ Դեմիրջիի որդին՝ Դանիել Դեմիրջին: Դեպքը տեղի է ունեցել կիրակի օդանավակայանի մուտքի մոտ, որտեղ ոստիկանները կանգնեցրել են մեքենան և ուղևորներից, այդ թվում և Դեմիրջիից պահանջել անձնագիր: Երբ Դեմիրջին իր ֆրանսիական անձնագիրը ներկայացնելուց հետո ոստիկանների հարցերին պատասխանել է թուրքերենով, նրան հարցրել են, թե արդյոք նա թուրք է:
Ոստիկանների՝ «Թուրքերեն ես խոսում, ծննդավայրդ Սղերդ է նշված, ինչպե՞ս թե թուրք չես» հարցմանն ի պատասխան Դեմիրջին ասել է, որ ազգությամբ հայ է, Ֆրանսիայի քաղաքացի: Դրանից հետո ոստիկանները որոշել են թե նա ահաբեկիչ է և իջեցնելով մեքենայից` շտապ մեկուսացրել նրան, իսկ հաջորդ օրը դատարանի որոշմամբ նրան արտաքսել են Թուրքիայից:
Որդու տեղեկացմամբ՝ Ռիչարդ Դեմիրջին ամիսը մեկ անգամ աշխատանքային այցով մեկնում էր Թուրքիա, իսկ այժմ նրա մուտքն արգելվել է:
Ermenihaber.am
Leave a Reply