Թուրքիայում հայ ուսուցչին աշխատանքից ազատել են գյուլենական լինելու կասկածանքով

Ստամբուլի քաղաքապետարանի արվեստի ու մասնագիտական կրթության կենտրոնում դասավանդող Արի Հերգելին հեռացրել են աշխատանքից։

Ինչպես տեղեկացնում է Ստամբուլի հայկական «Ակօս»-ը, Թուրքիայում հուլիսի 15–ի հեղաշրջման փորձից հետո Ստամբուլի քաղաքապետարանի արվեստի ու մասնագիտական կրթության կենտրոնում դասավանդող բազմաթիվ ուսուցիչներ գյուլենական լինելու կասկածանքով ազատվել են աշխատանքից։ Աշխատանքից ազատել են նաեւ ազգությամբ հայ Արի Հերգելին։ Վերջինս նշել է, որ աշխատանքից հեռացվելու մասին տեղեկացվել է sms հաղորդագրությամբ, որտեղ նշվել է, որ հեռացման պատճառը Ֆեթուլլահ Գյուլենի կառույցի հետ կապ ունենալն է։

Հայ արվեստագետը շեշտել է, թե նման անօրինականության դեմն առնելու համար դիմելու է դատական մարմիններին։

http://news.am/arm/news/340176.html