«Թուրքական հոսք» նախագծի հնարավոր վերականգնման մասին Ռուսաստանի եւ Թուրքիայի հայտարարությունները մտահոգում են Եվրամիությանը: Այս մասին գրում է Reuters-ը՝ վկայակոչելով ԵՄ–ի դիվանագիտական աղբյուրներին:
Բրյուսելում կարծում են, որ նոր գազատարը կամրապնդի Մոսկվայի դիրքերը: Եվրոպացի դիվանագետների կարծիքով՝ «Թուրքական հոսքի» շահագործումից հետո Ուկրաինան կզրկվի դեպի Եվրոպա գազի տարանցման երկրի կարգավիճակից, «Գազպրոմ»-ից ԵՄ-ի կախվածությունը կմեծանա, իսկ Կասպյան տարածաշրջանից գազի մատակարարման այլընտրանքային տարբերակը կփախվեն:
«Թուրքիայի եւ Ռուսաստանի նոր բարեկամությունը կարող է խնդիր դառնալ, եթե Ռուսաստանը փորձի Ուկրաինան փոխարինել Թուրքիայով»,- ասել է ԵՄ-ի բարձրաստիճան պաշտոնյաներից մեկը:
«Թուրքական հոսքը» ենթադրում է Սեւ ծովի հատակով գազատարի կառուցում Ռուսաստանից Թուրքիա, իսկ հետո Թուրքիայի տարածքով՝ մինչեւ Հունաստանի սահման: Գազատարի կառուցման հարցով միջկառավարական համաձայնագիր չի ստորագրվել, իսկ Թուրքիայի կողմից ռուսական Սու-24 օդանավի խոցումից հետո նախագիծը դադարեցվել է: Անկարայի կողմից ներողություն խնդրելուց հետո Ռուսսաստանն ու Թուրքիան սկսել են բանակցել շինարարության վերսկսման շուրջ:
Leave a Reply