Թուրքիայի զինված ուժերն այսուհետ ենթարկվելու են նախագահին

Թուրքիայի նախագահ Ռեջեփ Թայիփ Էրդողանի հերթական ցանկությունը օրենքի ուժ է ստացել։

Թուրքական Milliyet-ի փոխանցմամբ՝ Թուրքիայի կառավարության պաշտոնաթերթում հրապարակվել է, որ այսուհետ ցամաքային, ծովային ու օդային ուժերի հրամանատարությունները միացվում են Պաշտպանության նախարարությանը, իսկ նախագահն ու վարչապետը հիշյալ հրամանատարությունների հետ ունենում են մշտական ուղիղ կապ։

Նշենք, որ մինչ այս Թուրքիայի զինված ուժերը ենթարկվել են ԶՈՒ գլխավոր շտաբին, իսկ Պաշտպանության նախարարությունը զինված ուժերի վրա շատ քիչ ազդեցություն է ունեցել։

http://news.am/arm/news/339863.html