Ինչպես հայտնում է Պոլսում լույս տեսնող «Ակօս» թեթը, Թուրքիայում հեղաշրջման փորձից հետո մի շարք գերատեսչություններում սկսել են աշխատանքից ազատել քաղծառայողների: Թուրքիայի Բարձրագույն կրթության խորհուրդը պահանջել է 1557 դեկանի հրաժարականը, իսկ Ազգային կրթության նախարարությունում որոշ ժամանակով աշխատանքից հեռացրել են 15 200 քաղծառայողի, որոնց մեծ մասը ուսուցիչ է: Թուրքիայի Ազգային կրթության նախարարությունը կատարվածի վերաբերյալ հանդես է եկել հայտարարությամբ. «Նախարարությունում և նախարարության գավառներում գործող հաստատություններում աշխատող և Գյուլենական ահաբեկչական կազմակերպության հետ համագործակցող քաղծառայողների վերաբերյալ ծավալուն աշխատանքներ ենք սկսել: Այսօր նախարարությունում և գավառներում գործող նախարարության հաստատություններում աշխատող 15 200 քաղծառայող ժամանակավոր աշխատանքից հեռացվել է, նրանց նկատմամբ հետաքննություն է սկսվել»:
Կառավարությունում ևս 257 քաղծառայող աշխատանքից հեռացվել է, իսկ նրանց անձնագրերը բռնագրավվել են: Համաձայն «Անադոլու» գործակալության՝ աշխատանքից հեռացվածներից 230-ը լրագրող, 19-ը մասնագետ, 6-ը` խորհրդական, իսկ 2-ն էլ իրավախորհրդատու են:
Անմասն չի մնացել նաև Կրոնական գործերի նախարարությունը, որտեղ աշխատանքից հեռացվել է 492 հոգի՝ այդ թվում մուֆթիներ, վարչության պետեր, խորհրդականներ, ուսուցիչներ և այլն:
Akunq.net
20.07.2016
Leave a Reply