WikiLeaks կայքում հրապարակվել է Թուրքիայում իշխող՝ «Ադարության ու զարգացման կուսակցության» (ԱԶԿ) էլեկտրոնային նամակների առաջին խմբաքանակը՝ 294 548 նամակ: Էլեկտրոնային փոստի հաղորդագրությունները վերցված են 762 աղբյուրներից, որոնց անունները այբբենական կարգով են՝ անգլերեն A տառից մինչեւ I՝ akparti.org.tr հասցեով սերվերից, որը ինտերնետում ԱԶԿ-ի հիմնական դոմենն է:
Ամենաթարմ նամակը, որը հայտնվել է WikiLeaks–ի տրամադրության տակ, թվագրված է 2016-ի հուլիսի 6-ով, իսկ ամենահինը 2010 թվականով:
WikiLeaks-ը նշում է որ այդ դոմենը հիմնականում միջազգային հարցերով նամակագրության համար է գործածվում, այլ ոչ թե «զգայուն» ներքին հարցերի:
Նյութը ստացվել է Թուրքիայում հեղաշրջման փորձից մեկ շաբաթ առաջ: Հրապարակման ժամկետները փոփոխվել են՝ իշխանական կառույցներում սկսված զտումներին ի պատասխան, հայտնում է Lenta–ն:
http://news.am/arm/news/338092.html
Leave a Reply