Ֆեթուլլահ Գյուլեն. Հեղաշրջումը բեմադրել էր Էրդողանը

Ֆեթուլլահ Գյուլենը կտրականապես հերքում է Թուրքիայի իշխանությունների մեղադրանքները, թե ինքը կապ ունի հեղաշրջման փորձի հետ: Այս մասին ասված է Գյուլենի հայտարարության մեջ, փոխանցում է Reuters-ը:

«Ես խստորեն դատապարտում եմ Թուրքիայում ռազմական հեղաշրջման փորձը: Որպես տարբեր ռազմական հեղաշրջումներից տուժած մարդ՝ ես հատկապես վիրավորական եմ համարում նման ակցիաներին մասնակցելու մասին մեղադրանքները: Ես կտրականապես հերքում եմ նման մեղադրանքները»,- ասել է Գյուլենը:

Նա լրատվամիջոցների հետ զրույցում նաեւ նշել է, որ չի հավատում, թե աշխարհում ինչ-որ մեկը կհավատա Էրդողանի մեղադրանքներին: Միաժամանակ նա չի բացառել, որ հեղաշրջումը բեմադրված է եղել, որը կատարել է Էրդողանը` սեփական իշխանության ամրապնդման համար:

http://news.am/arm/news/337662.html