Օգտվելով ստեղծված քաոսից՝ Մալաթիայում և Տրապիզոնում հարձակվել են եկեղեցիների վրա

Արդեն դասական դարձած սցենարի համաձայն՝ Թուրքիայում ստեղծված յուրաքանչյուր քաոսի ժամանակ թիրախ են դառնում ոչ մուսուլմաններն ու նրանց տաճարները: Ինչպես հայտնում է «demokrathaber.org»-ը, հեղաշրջման փորձի դեմ իրենց բողոքն արտահայտելու համար հունիսի 16-ի երեկոյան փողոց դուրս եկած որոշ խմբեր հարձակվել են Տրապիզոնի Սուրբ Մարիա կաթոլիկ և Մալաթիայի բողոքական եկեղեցիների վրա: Մարդկանց խումբը քարեր  է նետել եկեղեցիների վրա՝ ջարդելով նշված եկեղեցիների ապակիները:

Եկեղեցիների հարևանությամբ բնակվողների հանդիմանանքի և ձեռնարկած քայլերի արդյունքում խմբերը լքել են եկեղեցիների տարածքը:

Հիշեցնենք, որ 2006 թ. փետրվարի 5-ին Տրապիզոնի այդ նույն Սուրբ Մարիա կաթոլիկ եկեղեցու քահանային սպանել էին հենց եկեղեցու ներսում:

Akunq.net

18.07.2016