Ողջ գիշեր համաշխարհային հանրության ուշադրությունը սևեռված էր Թուրքիայի ներքաղաքական զարգացումների վրա: Առավոտյան կողմ պարզ դարձավ, որ երեկ ժամը 23:00-ի դրությամբ սկսված հեղաշրջման փորձը տապալվել է: Ինչպես հայտնում է Թուրքիայում լույս տեսնող «Ագօս» թերթը, Ստամբուլում Բոսֆորի կամուրջը վերահսկող զինվորականությունը ժամը 06:40-ի դրությամբ հանձնվել է: Ոստիկանությունը ձերբակալել է մոտավորապես 50 զինվորի: Համաձայն «Անադոլո» գործակալության՝ դեպքերի ժամանակ սպանվել է 90, վիրավորվել 154 հոգի: «Ռոյթերս» լրատվական գործակալության տվյալների համաձայն՝ ընդհանուր առմամբ Թուրքիայում ձերբակալվել է 1563 զինվորական:Ժամը 10:32-ի դրությամբ վերականգնվել է Բոսֆորի կամուրջի վրայով երթևեկությունը:
Հայրենիքի դավաճանության մեղադրանքով դատական գործ է հարուցվել նախկին Ցամաքային ուժերի հրամանատար, բանակի գեներալ Օզթյուրքի և Կրթության և գաղափարախոսության վարչության հրամանատար, գեներալ լեյտենանտ Իյիդիլի դեմ: Ձերբակալվել է Արդահանի կայազորի և 25-րդ սահամանյին դիվիզիայի հրամանատար գեներալ Քարգընը:
«Ագօսը» հայտնում է, որ Գլխավոր շտաբի պետ Հուլուսի Աքարին բերման են ենթարկել Չանքայա նախագահական նստավայր:
Akunq.net
16.07.2016
Leave a Reply