Անկարայում ահաբեկչության գործով պատրաստված մեղադրական եզրակացության մեջ նշվում է, որ պայթյունը կազմակերպած Յունուս Դուրմազը Թուրքիայի տարածքում գտնվող բոլոր եկեղեցիները ցուցակագրել է, գրառել է նաև ալևի համայնքին պատկանող գյուղերի ու մշակութային միությունների տվյալները, տեղեկացնում է «Ակօս»-ը:
«Իսլամական պետություն» ահաբեկչական խմբավորման անդամ Յունուս Դուրմազի համակարգչում եղած տվյալները վկայում են, որ վերջինս հետաքրքրված է եղել Թուրքիայի ալևի համայնքով:
Նրա համակարգչում ու հեռախոսում գրանցված է եղել, թե Թուրքիայի որ եկեղեցին որ օրն է բաց, որտեղ է գտնվում, հեռախոսի համարն ու այլ տվյալներ:
Հիշեցնենք, որ 2015-ի հոկտեմբերի 10-ին Թուրքիայի մայրաքաղաքում հանրահավաքից առաջ երկու պայթյուն էր որոտացել: Ըստ վերջին տվյալների՝ զոհվել է 97 մարդ, ավելի քան 500-ը՝ բուժօգնություն ստացել։
Պայթյուններն իրականացրել էին երկու մահապարտ ահաբեկիչներ, որոնք, ենթադրաբար, «Իսլամական պետություն» ահաբեկչական խմբավորման անդամներ են եղել։
Leave a Reply