Հռոմի սրբազան քահանայապետ Ֆրանցիսկոս պապի` առաջին քրիստոնյա երկիր կատարած եռօրյա այցի վերջին հանգրվանը Խոր Վիրապ վանքն է, որը գտնվում է հայ-թուրքական փակ սահմանի մոտ: Հռոմի պապին Խոր Վիրապում դիմավորել են մեծ թվով հավատացյալներ: Պապը զրուցել է վանական համալիրի հոգեւորականների հետ:
Հռոմի պապը Կաթողիկոսի հետ Հայոց հնագույն սրբավայր Խոր Վիրապում Լուսավորչի գբից հանված լույսից վառել են իրենց մոմերը:
Այնուհետև հովվապետերը մտել են Սուրբ Աստվածածին եկեղեցի և այստեղ վառել այն կանթեղը, որը Ֆրանցիսկոս պապի կողմից ընծայվել էր Խոր Վիրապ վանքին:
Նշենք, որ Հռոմի պապ Ֆրանցիսկոսն ու Ամենայն հայոց կաթողիկոս Գարեգին Բ-ն աղավնիներ են բաց թողել Արարատ լեռան եւ հայ-թուրքական փակ սահմանի ուղղությամբ՝ որպես խաղաղության ուղերձ:
Leave a Reply