Հռոմի Պապն այցելեց Ծիծեռնակաբերդի հուշահամալիր

Այսօր՝ հունիսի 25-ի առավոտյան, պետական այցով Հայաստանում գտնվող Հռոմի Սրբազան Քահանայապետ Նորին Սրբություն Ֆրանցիսկոս Պապը այցելել է Հայոց ցեղասպանության Ծիծեռնակաբերդի հուշահամալիր: Հռոմի Պապը հուշահամալիր է ժամանել Ամենայն Հայոց կաթողիկոս Գագեգին Բ–ի ուղեկցությամբ:

Կաթոլիկ եկեղեցու ղեկավարին Ծիծեռնակաբերդում դիմավորել է ՀՀ նախագահ Սերժ Սարգսյանը եւ առաջին տիկին Ռիտա Սարգսյանը:

Լավ եղանակը թույլ է տալիս տեսնել բիբլիական Արարատ լեռը:

Հուշակոթող տանող ճանապարհի երկայնքով կանգնած են երեխաներ, որոնց ձեռքերում են Հայոց ցեղասպանության սրբադասված նահատակների սրբապատկերը:

Համաձայն պետական արարողակարգի` Հայաստան ժամանող պետական հյուրերն այցելում են Հայոց ցեղասպանության զոհերի հուշահամալիր և ծաղկեպսակ դնում` ի հիշատակ նահատակների:

Հնչեց Վատիկանի պետական օրհներգը, որից հետո Սրբազան Քահանայապետն և իր պատվիրակությունը` Հայաստանի Հանրապետության Նախագահի և Ամենայն Հայոց Հայրապետի ուղեկցությամբ իջան անմար կրակի մոտ:

Անմար կրակի մոտ Ամենայն Հայոց կաթողիկոսն արտասանեց տերունական Հայր մեր աղոթքը, որից հետո հնչեց Հայոց ցեղասպանության նահատակներին նվիրված շարականը, որը հեղինակել է Գերաշնորհ Տ. Զարեհ արքեպիսկոպոս Ազնավորյանը:

http://news.am/arm/news/333929.html