Թուրքիայի խորհրդարանի Ժողովուրդների դեմոկրատական կուսակցության խմբակցության պատգամավոր Կարո Փայլանը դատական հայց է ներկայացրել թուրքական ազգայնական «Իդեալիստների օջախներ» (Ülkü ocakları) կազմակերպության դեմ: Այս մասին Փայլանը գրել է Facebook-ի իր էջում:
Նա, մասնավորապես, գրել է.
«Հունիսի 2-ին Գերմանիայի Բունդեսթագի կողմից ընդունվեց բանաձեւ, որը ճանաչում է Հայոց ցեղասպանությունը: Նույն օրը ազգայնականների «Իդեալիստների օջախ» կազմակերպության մոտ 200 անդամներ ժամը 19.30-ին հավաքվել են Ստամբուլում Գերմանիայի հյուպատոսության մոտ:
Նրանց ձեռքին եղել են Թուրքիայի եւ Ադրբեջանի դրոշներ եւ բացականչել են. «Լավագույն հայը մեռած հայն է»:
«Նման կոչերը հրապարակայնորեն իրականացված ատելության հանցագործություն են եւ հայերի դեմ բացահայտ սպառնալիքներ: Ես իրականացված այս ատելության հանցագործության և սպառնալիքների դեմ Ստամբուլի հանրապետական դատախազությունում դատական հայց եմ ներկայացրել»:
Leave a Reply