Թուրքիայի ոստիկանությունը մի տոննա պայթուցիկով միկրոավտոբուս է հայտնաբերել

Ոստիկանությունը Թուրքիայի Դիարբեքիր նահանգում հայտնաբերել է մոտ մեկ տոննա պայթուցիկ նյութերով բեռնված միկրոավտոբուս, հայտնում է Hürriyet թերթը:

Միջադեպը տեղի է ունեցել հունիսի 20-ի երեկոյան: Միկրոավտոբուսի շուրջը ամբողջ տարածքը շղթայվել է, մոտակա տներից մարդկանց տարհանել են: Մասնագետները ապաակտիվացրել են պայթուցիկ նյութերը, իսկ ավտոբուսն էլ տեղափոխել ոստիկանության բաժանմունք՝ միջադեպի հետաքննության շրջանակում: Տուժածների մասին տվյալներ չկան:

Ավելի վաղ Դիարբերքիրում մի քանի ամիս շարունակվել է Թուրքիայում արգելված Քուրդիստանի բանվորական կուսակցության դեմ գործողությունը: Այդ ժամանակվանից ի վեր նահանգում բազմիցս պայթյուններ են եղել, որոնցից շատերի համար պատասխանատվությունը ստանձնել են քուրդ խռովարարները:

http://news.am/arm/news/333242.html