Թուրքական բանտում գտնվող Սեւան Նշանյանի դեմ հերթական դատն է սկսվելու

Անօրինական շինարարություն իրականացնելու մեղադրանքներով ազատազրկման դատապարտված հայտնի ստամբուլահայ լեզվաբան Սեւան Նշանյանի դեմ հերթական դատական գործն է սկսվելու հոկտեմբերի 25–ին։

Ինչպես տեղեկացնում է Ստամբուլի հայկական «Ակօս»–ը, Սեւան Նշանյանի դեմ հերթական դատական գործն է հարուցվել` նրա կողմից «հասարակության մի հատվածի դավանած կրոնական արժեքները վիրավորելու» մեղադրանքով։

Սեւան Նշանյանի փաստաբան Էրգին Ջինմենը հայտնել է, որ Սեւան Նշանյանի դեմ բազմաթիվ դատական գործեր կան, որոնց կմիավորվի Մուհամեդ մարգարեին վիրավորելու մեղադրանքը, իսկ դատական առաջին նիստը տեղի է ունենալու հոկտեմբերի 25–ին։

Նշենք, որ Սեւան Նշանյանը բանտում անցկացնելու է մինչեւ 11 տարի՝ անօրինական շինարարություն իրականացնելու համար:

Սեւան Նշանյանը Հայոց ցեղասպանության մասին մշտապես բարձրաձայնել է Թուրքիայում եւ աչքի ընկել իր անվախ պահվածքով։

http://news.am/arm/news/332564.html