Արամ արք. Աթէշեան Հայաստան պիտի այցելէ

ԵՐԵՒԱՆ, «Ազատութիւն».– Պոլսոյ Հայոց պատրիարքարանի պաշտօնական կայքը կը հաղորդէ, որ Պոլսոյ պատրիարքական ընդհանուր փոխանորդ Արամ արք. Աթեշեան Հայաստան պիտի այցելէ։

Ըստ աղբիւրին՝ 15 յունիսին Արամ արք. Աթէշեան կը մեկնի Ռուսիա, հոնկէ՝ Հայաստան, ուր պիտի մասնակցի Գերագոյն հոգեւոր խորհուրդի նիստերուն, ինչպէս նաեւ Հռոմի Ֆրանսիս պապին հայաստանեան այցելութեան առթիւ կազմակերպուած նախաձեռնութիւններուն:

Նշենք, որ Facebook-ի ճամբով կոչ հրապարակուած է՝ բողոքի ցոյցի հրաւիրելով, հանրութիւնը Արամ արք. Աթէշեանը «Զուարթնոց» օդակայանէն Պոլիս վերադարձնելու առաջադրանքով:

Asbarez.com