Պատգամավորներին անձեռնմխելիությունից զրկելու մասին օրենքը Թուրքիայի նախագահ Ռեջեփ Թայիփ Էրդողանի կողմից ստորագրելվուց հետո կործանվեցին բոլոր պատկերացումներն այն մասին, որ Թուրքիայում արեւմտյան տիպի գործող ժողովրդավարություն է: Նման կարծիք է հայտնել բրիտանական The Guardian-ի վերլուծաբան Սայմոն Թիսդալը:
«Սպասվում է, որ նրանք կոչնչացնեն խորհրդարանական ընդդիմությանը, որը դեմ է Էրդողանի իշխող նեոիսլամական կուսակցությանը: Նոր միջոցները թույլ կտան քաղաքական դրդապատճառներով հետապնդել հակակառավարական պատգամավորներին: Հիմնական թիրախը քրդամետ Ժողովուրդների դեմոկրատական կուսակցությունն է»,- փաստում է հոդվածի հեղինակը:
Ըստ ՌԻԱ Նովոստիի, Թիսդալը կարծում է, որ ստորագրելով նոր օրենքը՝ Էրդողանը Թուրքիայից զրկեց տեսանելի ապագայում Եվրամիությանն անդամակցելու հնարավորությունից: Բացի այդ, հնարավոր է՝ այդ կերպ պետության ղեկավարը վերջ դրեց Թուրքիայի աշխարհիկ ժողովրդավարությանը եւ հող նախապատրաստեց քրդական խմբերի դեմ զինված հակամարտության ակտիվացման համար:
«ԵՄ-ի այնպիսի առաջատար երկրներ, ինչպիսիք են Ֆրանսիան եւ Գերմանիան, վճռականորեն դեմ են Թուրքիայի անդամակցությանը: Նրանք հայտարարում են, որ անհրաժեշտության դեպքում անհապաղ կկիրառեն վետոյի իրենց իրավունքը»,- նշում է The Guardian-ի հոդվածագիրը:
Leave a Reply