Գերմանիայի թուրքական միությունները Բեռլինում բողոքի մեծ ակցիա են պլանավորում՝ ընդդեմ Հայոց ցեղասպանության բանաձևի

Գերմանիայի  թուրքական միությունները և ասոցիացաները  Գերմանիայի խորհրդարանում Հայոց ցեղասպանության բանաձևի տեղի ունենալիք քվեարկության կապակցությամբ մայիսի 28-ին իրականացնելու են բողոքի խոշոր ակցիա  և երթ: Թուրքական «Hürriyet» պարբերականի  հաղորդմամբ`  բողոքի ակցիան  տեղի է  է ունենալու Բեռլինում, իսկ  «Մեծ երթ» անվամբ երթը սկսվելու է  Բեռլինի  Պոտսդամեր հրապարակից: Երթից առաջ կազմակերպիչներից մի քանիսը մամուլի ասուլիս են տվել:

Մասնավորապես Գերմանիայի Ձախերի կուսակցության նախկին պատգամավոր (2005-2009) և այժմ Թուրք-ադրբեջանական միության նախագահ Հաքքը Քեսքինն ասել է. «Գերմանիայի խորհրդարանը չի կարող հանդես գալ իբրև դատարան և դատավոր»:

Նա առաջ է քաշել Թուրքիայի ժխտողական թեզերը և հայտնել, որ վաղվա երթին իրենց աջակցությունն են ցուցաբերելու Գերմանիայի Թուրք-ադրբեջանական միությունը, Թուրք-գերմանական խորհուրդը, «Թալեաթ փաշա» միությունը, Ճարտարապետների և ինժեներիների թուրք-գերմանական միությունը և այլն:  Բողոքի այդ միջոցառմանը սատարում է նաև Իզմիրի փաստաբանների միությունը` նախագահ Այդըն Օզջանի գլխավորությամբ:

Նշվում է, որ Գերմանիայում գործող թուրքական 557 հասարակական կազմակերպությունների ստորագրությամբ բաց նամակ է ուղարկվել Գերմանիայի նախագահ Յոհաքիմ Գաուքին և կանցլեր Անգելա Մերկելին, որտեղ կոչ է արվել չհաստատել նշյալ բանաձևը:

Իսկ Թուրքիայի գլխավոր ընդդիմադիր ուժ հանդիսացող Ժողովրդահանրապետական (ԺՀԿ-CHP) կուսակցության փոխնահագահ Օզթուրք Յըլմազն ասել է, որ նշյալ բանաձևը կարող է բացասական ազդեցություն թողնել թուրք-գերմանական հարաբերությունների վրա և առաջացնել լարվածություն: Նա այդ ամենը որակել է որպես «անպատասխանատուների կողմից արված սադրիչ քայլ»:

Ermenihaber.am