Քեմալականների կուսակցությունը կարող է խափանել Թուրքիայում պատգամավորական անձեռնմխելիության դեմ օրենքի նախագծի ընդունումը: Այս մասին գրում է իտալական Il Giornale պարբերականը: Հոդվածում ասվում է.
«Թուրքական խորհրդարանը որոշել է սկսել սահմանադրական փոփոխությունների քննարկումը, որոնք կարող են պատգամավորներին զրկել անձեռնմխելիությունից: Նախագիծն ընդունվել է 348 կողմ ձայնով: Բայց որպեսզի այդ փոփոխություններն ընդունվեն առանց Սահմանադրության փոփոխության, ավելի շատ ձայներ են հարկավոր՝ 367 քվե: Իսկ Արդարություն եւ զարգացում կուսակցությունն ընդամենը 317 մանդատ ունի:
ԱԶԿ-ին կարող է օգնել Ազգայնական շարժում կուսակցությունը, բայց այն ներկուսակցական ճգնաժամ է ապրում: Դժգոհների մի խումբ ցանկանում է փոխել կուսակցության ղեկավար Դեւլեթ Բահչելիին:
Կշեռքի նժարը կարող է թեքվել դեպի Ժողովրդահանրապետական կուսակցությունը, որի ընտրազանգվածը Թուրքիայում երկրորդն է: Կուսակցությունը դեմ է քվեարկել:
Եթե այդ փոփոխություններն անցնեն, պատգամավորների գլխին կարող է քրեական գործերի հեղեղ տեղալ: Ներկայում Թուրքիայում պատգամավորների հետապնդումն արգելված է: Ոստիկանությունը թղթածրարներ է հավաքում, որոք բացվում են, երբ պատգամավորները կորցնում են մանդատը:
138 պատգամավորների դեմ այդպիսի 677 թղթապանակ կա: Ժողովուրդների դեմոկրատական կուսակցության (ԺԴԿ) առաջնորդ Սելահաթթին Դեմիրթաշի նկատմամբ 75 գործ է բացված:
Իշխող կուսակցությունը վաղուց ԺԴԿ-ին մեղադրում է Քրդական աշխատավորական կուսակցության ապստամբների նկատմամբ ոչ թափանցիկ դիրքորոշման մեջ»:
http://news.am/arm/news/327844.html
Leave a Reply