Թուրքիայի իշխող Արդարություն և զարգացում (ԱԶԿ-AKP) կուսակցության` Գազիանթեփի (պատմ. Այնթափ) պատգամավոր Շամիլ Թայարը սկանդալային գրառում է կատարել «Twitter»-ում:
Ինչպես փոխանցում է թուրքական «Milliyet» պարբերականը, Թայարը նշյալ գրառման մեջ առաջարկել է ևս մեկ ռուսական ինքնաթիռ խոցել:
«Մարդ ուզում է ևս մեկ ռուսական ինքնաթիռ խոցել»,- գրել է նա:
Նշվում է, որ ԱԶԿ-ի պատգամավորը նման գրառմամբ է հանդես եկել այն բանից հետո, երբ բասկետբոլի եվրոլիգայի խաղարկության եզրափակիչում ռուսական «ԲԿՄԱ» (ЦСКА) ակումբը հաղթել է թուրքական «Ֆեներբահչե»-ին 101-96 հաշվով:
Այդ գրառումը բողոքի ալիք է բարձրացրել սոցմեդիայում: Մի շարք օգտատերեր իրենց դժգոհությունն էին հայտնել Թայարի խոսքերի կապակցությամբ:
Ավելի ուշ թուրք պատգամավորն իր այդ գրառումը որակել էր որպես սրամտություն: Ըստ նրա՝ խաղի ժամանակ մրցավարը կողմնապահություն է արել՝ հօգուտ ռուսական ակումբի:
Հիշեցնենք, որ Թուրքիայի օդուժը 2015թ նոյեմբերի 24-ին Սիրիայի տարածքում խոցել էր ռուսական «СУ» 24 ռազմական ինքնաթիռը:
Ermenihaber.am
Leave a Reply