Ադրբեջանի Գաբալա քաղաքում տեղի է ունեցել Թուրքիայի, Ադրբեջանի ու Վրաստանի պաշտպանության նախարարների հանդիպումը, որտեղ հռչակագիր է ստորագրվել, որով ազդարարվել է 3 երկրների միջև ռազմական համագործակցության նոր շրջանի սկիզբը:
Ըստ թուրքական «Hürriyet» թերթի կայքի` հանդիպմանը հաջորդած մամուլի ասուլիսի ժամանակ խոսվել է նաև Ղարաբաղի, Հարավային Օսիայի ու Աբխազիայի հիմնախնդիրների մասին:
Թուրքիայի արտգործնախարար Իսմեթ Յըլմազն ասել է, որ իրենք աջակցում են վերոնշյալ խնդիրների խաղաղ լուծմանը, որը հիմնված կլինի Վրաստանի ու Ադրբեջանի տարածքային ամբողջականության և ինքնիշխանության վրա:
Խոսելով Արցախի հիմնախնդրի մասին` Թուրքիայի պաշտպանության նախարարը կրկին պաշտպանել է ադրբեջանական թեզերը. «Հայաստանը չի կարող շարունակել իր ագրեսիվ, օկուպացիոն ու ռազմական քաղաքականությունը: Ագրեսիվ ու օկուպացիոն քաղաքականությունը որևէ տեղ չի չի կարող հաղթել»:
Ermenihaber.am
Leave a Reply