Թուրքիայի մեջլիսը հետաձգել է պատգամավորներին անձեռնմխելությունից զրկելու օրինագծի քվեարկությունը

Թուրքիայի խորհրդարանում քվեարկության չի դրվել օրեր առաջ մեծ սկանդալներով օրակարգ մտած, պատգամավորներին անձեռնմխելությունից զրկելու օրինագիծը։

Թուրքական Sözcü-ի փոխանցմամբ՝ Թուրքիայի վարչապետ Ահմեդ Դավութօղլուի հրաժարականի մասին հայտնի դառնալուց հետո իշխող կուսակցության պատգամավորների ստվար մասը խորհրդարան չի այցելում, ինչի հետեւանքով քվորում չի ապահովվել` քվեարկելու սեփական նախաձեռնությամբ ներկայացված օրինագիծը։

Նշվում է, որ պատգամավորները սպասում են մայիսի 22-ին կուսակցության նոր նախագահի եւ վարչապետի ընտրությանը, որից հետո նոր անցնելու են խորհրդարանական քվեարկություններին։

Նշենք, որ պատգամավորներին անձեռնմխելությունից զրկելու օրինագիծը մեջլիս է մտել նախագահ Էրդողանի հրահանգով եւ ուղղված է քուրդ պատգամավորների դեմ։

http://news.am/arm/news/326879.html