Եվրադատարանի նախկին նախագահ Ժան-Պոլ Կոստան արդեն վերջացրել է Ֆրանսիայում Հայոց ցեղասպանության ժխտումը քրեականացնող օրինագծի մշակման աշխատանքները: Այս մասին NEWS.am-ի թղթակցին ասաց Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը:
«Այժմ մենք արդեն աշխատանքային ժողովներ ենք անցկացնում: Երբ վերջացնենք փորձագիտական աշխատանքները, պարզ կլինի՝ այս օրենքը կարող ենք ներկայացնել խորհրդարան, թե ոչ: Մենք պետք է վստահ լինենք, որ այս օրինագիծը սահմանադրական ուժ կունենա- ասաց Մուրադ Փափազյանը՝ նշելով, որ այս փուլը կավարտեն մինչեւ մայիսի վերջ:
Նշենք, որ Ֆրանսիայի նախագահ Ֆրանսուա Օլանդը բարձրացրել է Հայոց ցեղասպանության ժխտումը քրեականացնելու մասին օրենքի ընդունման հարցը: Հայոց ցեղասպանության ժխտումը քրեականացնող օրինագծի մշակման աշխատանքները կատարում է Եվրադատարանի նախկին նախագահ Ժան- Պոլ Կոստան:
Hayernaysor.am
Leave a Reply