Ահաբեկչություն՝ Թուրքիայի մեծությամբ չորրորդ քաղաքում

Պաշտոնական տվյալներով 13 մարդ է տուժել թուրքական Բուրսա քաղաքում իրականացված ահաբեկչական գործողության հետևանքով:

Մահապարտ կինն իրեն պայթեցրել է քաղաքի կենտրոնում գտնվող գլխավոր մզկիթի մոտ: Ահաբեկչուհուց բացի՝ այլ զոհեր չկան:

Բուրսան մեծությամբ չորրորդ քաղաքն է Թուրքիայում, արդյունաբերական և զբոսաշրջային կենտրոն:

Ոստիկանությունն առայժմ հարձակման հնարավոր կազմակերպիչների վերաբերյալ վարկածներ չի հրապարակել, ոչ մի խմբավորում չի ստանձնել գրոհի պատասխանատվությունը:

Տարեսկզբից սկսած՝ սա մահապարտների մասնակցությամբ արդեն հինգերորդ ահաբեկչությունն է Թուրքիայի խոշոր քաղաքներում: Նախկինում երկու նման ահաբեկչական գործողություն իրականացվել է Ստամբուլում, երկուսը՝ Անկարայում: Դրանց համար պատասխանատու են համարվում «Իսլամական պետություն» խմբավորումը և քուրդ գրոհայինները: Փոխանցում է Euronews-ը:

http://www.ilur.am/news/view/53790.html