Թուրքիայի մեջլիսում Էրդողանի կուսակիցների ու քուրդ պատգամավորների միջեւ խոշոր ծեծկռտուք է տեղի ունեցել

Թուրքիայի խորհրդարանում, արդեն երկրորդ օրն է, իշխող Արդարություն եւ զարգացում (HDP) կուսակցության պատգամավորները հարձակվում են քրդական Ժողովուրդների դեմոկրատական (HDP) կուսակցության պատգամավորների վրա։

Ինչպես տեղեկացնում է քրդական ANF-ը, Թուրքիայի խորհրդարանի Սահմանադրական հանձնաժողովի նիստի ժամանակ HDP-ի քուրդ պատգամավորներից Միդհատ Սանջարը շեշտել է, որ իշխող կուսակցության ներկայացրած առաջարկները հակասում են Սահմանադրությանը եւ պահանջել հետ ուղարկել նախագծերը։

Այս ամենը դուր չի եկել իշխող կուսակցության պատգամավորներին, ովքեր հարձակվել են քուրդ պատգամավորների վրա՝ ուշադրություն չդարձնելով կին պատգամավորների ներկայությանը։

Ծեծկռտուքի հետեւանքով վնասվել է քուրդ պատգամավոր Էրդալ Աթաշի քիթն ու շուրթերը։

http://news.am/arm/news/324770.html