Ալի Էրթեմ
Միություն ընդդեմ ցեղասպանության կազմակերպության ղեկավար
Թուրքիայի Հանրապետություն պետությունը 101 տարի է` ժխտում է Հայոց ցեղասպանությունը: Իր թիկունքում ունենալով հանցակից Ադրբեջանի ղեկավարությանը ՝ պատերազմ է հրահրում և հարձակվելով Լեռնային Ղարաբաղի Հանրապետության վրա՝ նոր ցեղասպանություն ծրագրում: Հակառակ ժողովուրդների իրավունքին՝ արդեն 26 տարի է` Թուրքիայի Հանրապետությունը, հանցակից Ադրբեջանի հետ միասին, փակ է պահում Հայաստանի սահմանը: 100 տարի է` քուրդ ժողովրդի ազգային կառույցները քանդելու համարցեղասպանության բնույթի միջամտություններ է կատարում, սպանում և աքսորում: Ալևի ժողովրդին ցեղասպանության թիրախ է դարձնում, սադրիչ ծրագրերով նրանց բնակավայրերի ժողովրդագրությունը փոխում: Ահա այս ամենի պատճառով մարդկության առջև մեղադրում ենք Ցեղասպանության հանցանք գործած Թուրքիայի Հանրապետություն պետությանն ու նրա հանցակից Ադրբեջանին: Հրապարակ ենք դուրս գալիս, որպեսզի մեր բողոքի ձայնը բարձրացնենք ընդդեմ նրանց առաջնորդող ցեղասպան մտայնության, և բարոյական աջակցություն ցուցաբերող, զինող դաշնակիցների:
Ցեղասպանությունը ժխտողների օձիքը մեր ձեռքերում է, քանզի ժխտումը ցեղասպանության շարունակությունն է:
Քաշեք ձեր արյունոտ ձեռքերը Լեռնային Ղարաբաղի Հանրապետությունից:
Անմիջապես դադարեցրեք քրդական ազգային և հասարակական գոյությանն ուղղված Ձեր ցեղասպան միջամտությունները:
Ճանաչեք 1915 թ. ցեղասպանությունը և կատարեք Ձեր պարտքը:
Ցեղասպանության դատապարտված ժողովուրդներից (հայ, ասորի, հույն-պոնտացի, հույն, եզդի) ներողություն խնդրեք:
Հասցե՝ Ֆրանկֆուրտ՝ Ռոմեր հրապարակ:
Ամսաթիվ: 24 ապրիլ 2016, կիրակի ժ. 15.00:
Ֆրանկֆուրտ- ժողովրդավարական ուժեր ընդդեմ ցեղասպանության, պատերազմի և ռասիզմի
Հետգրություն՝ մինչ շաբաթ երկեո այս հայտարարությունը բաց է ընդդեմ ցեղասպանության, պատերազմի և ռասիզմի ժողովրդավարական կազմակերպությունների ստորագրության համար:
Verein der Völkermordgegner e.V. Frankfurt / Main
Soykırım Karşıtları Derneği (SKD); Kontakt : Ali Ertem, Tel.: 0049/69/5970813; E-Mail: skd@gmx.net
Թարգմանեց Անահիտ Քարտաշյանը
Akunq.net
Leave a Reply