Ցեղասպանության մասին նոր փաստագրական ֆիլմի պրեմիերա՝ Գլենդելում

Գլենդելում հինգշաբթի կկայանա Հայոց ցեղասպանության մասին նոր փաստագրական ֆիլմի պրեմիերա՝ հայտնում է Glendale News Press-ը։

Ռեժիսոր Նարե Մկրտչյանի «Տան մյուս կողմը» ֆիլմը հետևում է հայ ռեժիսորի և թուրք կնոջ ճամփորդությանը, որոնց կյանքի վրա իր ազդեցությունն է ունեցել Ցեղասպանությունը։

Պրեմիերան կկայանա MGN Five Star Cinema-ում։ Ցուցադրությունները կշարունակվեն մինչև ապրիլի 28-ը։

«Մեզ համար կարևոր էր ստեղծել փաստագրական ֆիլմ, որը անձնական պատմություն է այն մասին, թե ինչպես է պատմության ընթացք փոխած այս իրադարձությունն առայսօր ազդում մեզ վրա»,- ասել է Մկրտչյանը։

«Ֆիլմը պատրաստելով՝ ես հասկացա, որ տխուր իրողությունն այն է, որ Ցեղասպանությունը չի ավարտվել սպանությունների ավարտի պահին։ Ազդեցություններն իրականում շարունակվում են և անցնում սերնդեսերունդ»,- ասել է նա:

http://www.1in.am/1894995.html