Էրդողանին զայրացրել է Եվրախորհրդարանի խիստ զեկույցը

Թուրքիայի նախագահ Ռեջեփ Թայիփ Էրդողանին կրկին հունից հանել է Թուրքիայի հարցով Եվրախորհրդարանի զեկույցը։

Թուրքական Milliyet-ի փոխանցմամբ՝ Թուրքիայի նախագահ Ռեջեփ Թայիփ Էրդողանը գյուղապետերի հետ հանդիպմանը անդրադարձել է Թուրքիայի հարցով Եվրախորհրդարանի զեկույցին՝ այն սխալ ու խեղված անվանելով։

Էրդողանին խիստ անհանգստացրել է, որ զեկույցում նաեւ անդրադարձ կա Հայոց ցեղասպանությանը, Կիպրոսի հիմնահարցն ու քրդական խնդիրը։ Էրդողանը պնդել է, թե զեկույցում թերի տեսակետից է ներկայացված Թուրքիայում մամուլի ազատությունը։

Թուրքիայի նախագահը շեշտել է, թե իրենք զեկույցի եւ իրականության միջեւ որեւէ կապ չեն գտել եւ զեկույցը հետ են ուղարկել։

Նշենք, որ Եվրախորհրդարանի կողմից Թուրքիայի հարցով պատրաստված զեկույցում խիստ քննադատություն է եղել Թուրքիայում մարդու իրավունքների խախտումների, խոսքի ու մամուլի ազատությունների սահմանափակումների, քրդական հարցի կարգավորման հետ կապված։

http://news.am/arm/news/323060.html