Ստամբուլում հայ ընկերուհուն սպանած թուրքն անհետացել է՝ իրեղեն ապացույցները ծովը գցելուց հետո. նոր մանրամասներ

Ստամբուլում սպանված Գերմանիայի՝ ազգությամբ հայ քաղաքացի Ռիտա Դարի Ուինքլերի սպանության մասին նոր մանրամասներ են բացահայտվել, հայտնում է «Հուրրիյեթ» թերթի կայքը։

39-ամյա կնոջը սպանելու ու բետոնի մեջ թաղելու մեջ կասկածվող ընկերը՝ Ա.Ք. Ս.-ն, փախուստի մեջ է։

Պարզվում է՝ նա սպանության գործիք հրազենը կնոջ անձնական իրերի հետ ծովն է նետել։ Այժմ թուրք ոստիկանները ծովում փնտրում են իրեղեն ապացույց համարվող իրերը։ Նա թաքցրել է նաև սղոցը, որով սպանությունից հետո երկու մասի է բաժանել կնոջ մարմինը՝ բետոնի մեջ տեղավորելուց առաջ։

Երեկ ձերբակալվել է կասկածյալի եղբայրը՝ Հյուսեյին Ս.-ն, որին մեղադրում են հակասական ցուցմունքներ տալու համար։
Ոստիկանության պաշտոնյաները նշում են, որ առաջիկայում ձերբակալվածների թիվը, հնարավոր է, ավելանա։ Ի դեպ, կասկածյալ Ա. Ք. Ս.-ն ենթադրաբար Գերմանիայում է։

http://www.tert.am/am/news/2016/04/15/rita/1991772